Իրանը շուտով ներկայացնելու է հայրենական արտադրության 9 սուպեր համակարգիչ - 14 Февраля 2012

Главная » » Իրանը շուտով ներկայացնելու է հայրենական արտադրության 9 սուպեր համակարգիչ

19:20 Իրանը շուտով ներկայացնելու է հայրենական արտադրության 9 սուպեր համակարգիչ
Իրանական IRNA լրատվական գործակալության փոխանցմամբ`մինչև տարեվերջ (մարտի 21) Իրանը ներկայացնելու է սեփական արտադրության 9 սուպեր համակարգիչներ: Այս մասին հայտարարել է գիտության ու տեխնոլոգիաների հարցերով Իրանի փոխնախագահ Նազրին Սուլթանաձեն: Վերջինս հավելել է, որ այդ նոր 9 սուպեր համակարգիչները կներկայացվեն ու կմիացվեն National Grid ազգային ցանցին, որը պետք է բաղկացած լինի ընդհանուր առմամբ 11 սուպեր համակարգիչներից: Նախորդ տարի Իրանը ներկայացրել է Amirkabir (AUT) տիպի երկու սուպեր համակարգիչ, որոնք նախագծվել և արտադրվել են Թեհրանի համալսարանում ու Սպահանի տեխնոլոգիական համալսարանում: 2011 թվականին Իրանի նախագահ Մահմուդ Ահմադինեժադը իրանցի գիտնականներին կոչ է արել իրականացնել նոր հետազոտություններ ու մշակումներ՝ ընդգծելով, որ Իրանը պետք է աշխարհի համար դառնա գիտատեխնիկական օրինակ: Իրանը դարձել է աշխարհի այն 10 երկրներից մեկը, որին հաջողվել է կարճ ժամանակահատվածում նախագծել և ստեղծել այդպիսի համակարգիչներ: 2011 թվականի փետրվարի սկզբին հայտարարվեց, որ Իրանում ստեղծվել է մի սուպեր համակարգիչ, որի միկրոպրոցեսորի արագությունը կազմել է 34,000 Մեգահերց:
1 2 3 4 5 Категория: Աղմկահարույց \| Просмотров: 728 \| Добавил: Manukyan \| Теги: hamakargich \| Рейтинг: 0.0/0